Այցելուների համար

Ընդունելության կարգը

Կենտրոնում իրականացվում է վերականգնողական բուժում 0-18 տարեկան անձանց համար, որոք ունեն ֆիզիկական, մտավոր խանգարումներ, զարգացման առանձնահատկություններ։ Պետության կողմից երաշխավորված անվճար բժշկական օգնության և սպասարկման շրջանակներում ապահովվում է մինչև 7 տարեկան ու սոցիալապես անապահով և առանձին (հատուկ) խմբերում ընդգրկված երեխաների վերականգնողական բուժումը, դրանք են՝                              

1. Հաշմանդամություն ունեցող երեխաներ (մինչև 18 տարեկան)                                                           
2. Աղքատության (ընտանեկան) նպաստների համակարգում ընդգրկված 30.00 և ավելի բարձր անապահովության միավորներ ունեցող ընտանիքի երեխաներ                                                                               
3. Միածնող երեխաներ                                                                                                                                                                 
4. Առանց ծնողական խնամքի մնացած երեխաներ։
5. Բազմազավակ ընտանիքի երեխաներ (մինչև 18 տարեկան 4 և ավելի անչափահաս երեխաներ ունեցող)
6. Հաշմանդամություն ունեցող անձանցից բաղկացած (հաշմանդամություն ունեցող ծնողներից) ընտանիքի երեխաներ                                                                                                                                                                  
7. Նախազորակոչային տարիքի երեխաներ
8. Զինծառայողների ընտանիքների երեխաներ                                                                                                                      
9. Ապաստան հայցողի ընտանիքի երեխաներ և այլն

Այցելուների բուժումը կազմակերպվում է հիվանդանոցային /ստացիոնար/ և ամբուլատոր պայմաններով։ Բուժման տևողությունը 23 օր է։ Ստացիոնար պայմաններում բուժման ընթացքում  երեխան և խնամողը ապահովվում են առանձին սենյակով, երեք անգամյա սնունդով։ Ամբուլատոր բուժման ընթացքում կենտրոնը կազմակերպում է նաև այցելուների տեղափոխումը միկրոավտոբուսներով Երևանից Կոշ և հակառակ ուղղությամբ։